Biyo-culusta buuggan daabacaaddiisa labaad waa dhawr 
qodob oo iskaashanaya ama isbuuxinaya oo kala ah: qiimaha 
afka iyo ahmiyaddiisa, heerarkii sooyaalka qoraalka farta 
Soomaaligu soo martay, isirro afka madhxintiisa u taagnaa 
xilligii aanu qornayn, hodantinnimadiisa ka marag kacaya 
oo dhinaca tarminta iyo tayada ereyadiisa qaabbilayey, 
meerisyo gabay oo sidii maahmaahda u dhaqan galay, 
gabay-ku-maahmaahyo beyd ama beydad aynu u 
bixinnay, maanso-ku-sheekaynta suugaaneed, doorarka 
iyo xaaladaha shibbaneyaasha labanlaabma, isrogrogga 
iyo macneyaal kala duwan oo ay sameeyaan ereyada il, 
far, dheg, iyo af, qabyada qoraalka afka Soomaaliga iyo 
raadadka afafka qalaadi ku yeesheen afka Soomaaliga, 
gaar ahaan Carabida, Ingiriisida, Talyaaniga, iyo kuwo 
kale. Ugu dambayntii waxa uu buuggu isweydiinayaa in af 
Soomaaligu badbaadi karo!

Afka Hooyo Waa Hodan (Somali Edition)

Reference

X. Xasan, Maxamed Baashe

Words, Language & Grammar

Garanuug Limited

"Inta maanku gaajaysan yahay, guuli waa weliye"-Hadraawi: Gudgude Dhabannahays waa dhigane loo qoray in uu la hadlo garaadka iyo damiirka Soomaalida. Wuxuu si qotadheer u sharraxayaa qaybo ka mid ah cudurrada bulshada iyo xubnaha ugu badan ee ay saameeyaan, bukto la bixin waayayna ay ku noqdeen. Buuggu ma soo xiganayo ilo cilmiyeed toos ah marka laga reebo aayado Qur'aan ah oo uu ka hanuun qaadanayo, cutub kastana ibofur u ah, balse wuxuu ku qotomaa raacasho cilmi, dhugasho xaaladeed, iyo fahan uu qoraagu ka qaatay dhacdooyinka nololeed ee uu goobjoogga u ahaa ama uu taariikhda dhow ee Soomaalida ka ogaaday. 
"Waa buug caqiibo leh." -Axmed Ibraahim Cawaale, qoraaga Qaylodhaan Deegaan, Dirkii Sacmaallada, iyo buugaag kale.

Dhabannahays: Xusuusqorka dhurwaagii dhiman waayay (Somali Edition)

Politics & Social Sciences

Gaanni, Maxammed

Social Sciences

Soodoog (Somali Edition)

Diiriye, Cabdulqaadir C.

Literature & Fiction

Buuggu waxa uu ka kooban yahay halabuurkii Cali Sugulle ee dhawr xilli oo xidhiidhsanaa iyo sooyaalkiisii qofnimo. Marka laga yimaaddo barbaaritaankiisii, waxbarashadiisii, noloshiisii qoysnimo, iyo shaqooyinkii uu soo qabtay markii uu dugsiga Sheekh ka baxay, waxaa qaybaha hore ee buugga ibafurkiisu xambaaray tisqaadkii halabuurka Cali Sugulle iyo jaadgoonnimadiisa; isaga qof ahaan iyo halabuurkiisa iyo baadisoocda u gaarka ah oo ay ka xogwarramayaan dad kala duwan oo Cali iyo halabuurkiisa aqoon durugsan u wada lahaa ama halabuurkiisa uun ku koobnaa oo halkaa Cali ka bartay.\nKa dib, waxaa raacaya halabuurkii afar xilli oo dhacdooyin waaweyn iyo isdiiddooyin kakani ka ilmo-rogteen dhulalka Soomaalida ee Geeska Afrika: xilligii gobannimo-doonka, xilligii xukuumadihii rayadka ahaa, xilligii Tawradda, iyo xilligii burburka.\nWaxaa gaar ah oo buugga ku jira 13 riwaayadood oo uu Cali Sugulle halabuuray afartaas xilli intii u dhexaysey iyo riwaayad uu dhawr abwaan oo kale la allifey, iyada oo riwaayad kasta marka ay ugu yaraato la helay ujeeddadii uu Cali samaynteeda ka lahaa iyo dhawr dheeg oo ka mid ah, marka laga reebo labada riwaayadood ee Indhasarcaad iyo Kala Haab Kala Haad oo buuggu xambaaray iyaga oo sheekooyinkoodii dhammaystiran yihiin.\nCali Sugulle iyo halabuurkiisu waa badweyn lagu hafanayo, lagana qori karo tobannaan buug oo xaglo kala duwan laga eegi karo. Buuggan Hal Tisqaaday waxa uu laangooyo u yahay buugaagtaas Cali Sugulle laga qori karo.

Hal Tisqaaday, Halabuurkii Cali Sugulle (Duncarbeed) (Somali Edition)

Biographies & Memoirs

Xasan, Maxamed Baashe X

Arts & Literature

Nuun: Qalin iyo Qoraalkii. 
Wanaajinta Qoraalka.\n"Hadalkana sar weedhiisa 
Una saaf qofkii waaya 
Ha ka tegin sarbeebtiisa 
Hana gelin sursuur oodan 
Hana lumin sargoyntiisa 
Hana liqin sangaabtiisa 
Ha ku saxan badheedhkiisa 
Runta sogordoh haw yeelin 
Ha suldaarin dooddiisa 
Sisibaa wadaaggiisa 
Sababee abbaartaada 
Hana badin su'aashiisa 
Sarrifkiyo tilmaantiisa 
Saddex erey halkii dooni 
Soddon yaanay kaa qaadan 
Siddi-qabaxi yay raacin 
Sare haw dhig-dhigin luuqda 
Gacantana ha saydh-saydhin 
Hana odhan wax sawliila."\n-Hadraawi, Sirta Nolosha.

Nuun: Qalin iyo Qoraalkii (Somali Edition)

Yuusuf, Muxammad

Writing, Research & Publishing Guides

Buugyarahani waxa uu tibaaxi doonaa taariikh nololeedkii, Alle ha u naxariistee, Ugaas Xirsi Ugaas Maxammed oo noolaa qarnigii labaatanaad. Masuulkaan oo ahaa reer Gedo ayaa taariikh mug weyn iyo saamayn xididdo aasatay ku yeeshay bulshada reer Waamo iyo gobollada deriska la ah. Wuxuu buugyarahani tilmaami doonaa noloshii kala duwanayd ee uu maray Ugaasku yaraantiisi ilaa dhimashadiisi. Shaqadiisi, waxtarkiisi, iyo caqabadihii uu la kulmay intuu taajku saarnaa ayuu wax ka mid ah iftiimin doonaa. 
Noloshii Ugaaska waxaa la socda, oo uu buuggu faaqidi doonaa, gobolka Gedo. Juquraafigiisa ayuu meelo ka iftiimin doonaa. Taariikhda gobolka ayuu si mug leh u dhex jibaaxi doonaa isaga oo findhicili doona dadkii kala duwanaa ee soo maray, qaar ka mid ah dagaalladii ka dhacay, iyo isbaddalladii uu maray gobolku ilaa si buuxda loogu aqoonsaday mid beel gaar ah caan ku tahay. Wuxuu isku dayi doonaa inuu ka jawaabo su'aalo muddo taagnaa siina jiri doona. Kuwaas oo ay mid yihiin: Gedo yaa asal u lahaa? Oromo iyo Soomaali kee ku soo horreeyay Waamo? Daaroodku goormuu yimid, gaar ahaan Marreexaan waqtigee Gedo soo galay? Iyo kuwo kale. Wuxuu suuragalin doonaa buuggu in dadkeennu uu helo xogo laga qoray dhulkooda waayo hore kuwaas oo ku qornaa afaf kale. Wuxuu akhristayaasha xiiseeya taariikhda dalkooda u bixin doonaa ilo ay ka heli karaan xogaha ay u baahan yihiin.

Xantaysi (Somali Edition)

Shire, Ibraahim Aadan

Dab iyo Dhagax (Somali Edition)

History

Midnimo, Maandeeq, iyo Muraayaddii Jabtay (Somali Edition)

Africa

Al-Munqid: Tilmaameeyaha Tubta Toosan (Somali Edition)

See the best price to sell, buy or rent books by the Garanuug Limited publisher. BookScouter helps to compare book prices from 25+ online bookstores and 30+ buyback vendors with a single search.

Books by Garanuug Limited