"Kuma galo adduunyada Ninna goonni-socodkoo Marwo garasho dheer baa Ninka raga u gudinoo Iyadaa guddoonkiyo Gadh-hayaa naftaadiyo Gaadiidka reerkiyo Gurgurshaaga noqotoo Arrin kula gorfaysee Haddaan gaari kula jirin Illayn noloshu guul ma leh" —Maxamed Ibraahim Warsame (Hadraawi) “Guri Waa Haween wax buu ku biirin karayaa oo kuma qadi doono, kumana hungoobi doono ruux kasta oo xiiseeya hiddaha iyo dhaqanka Soomaalidu, gaar ahaan waxa uu xog iyo aqoon kobocsan ku kordhinayaa hooyooyinka casrigan ee reer magaalka ah, dhallinyarada rag iyo dumarba, gaar ahaan kuwooda qurba-joogga ah ee ku indha dillaacsanaya hiddaha iyo dhaqammada kale. Qof walba oo Soomaali ah waxa uu buuggu dib u milicsiinayaa oo uu xusuusinayaa waaya-waayo iyo beri hore halkii ay godolba soo joogtey, waana ‘xoorkii laga dhamay xagaagiyo xusuus baa geela lagu xero geeyaa.’ Dadka shisheeyaha ah ee xiiseeya ama dersa hiddaha iyo dhaqanka Soomaalida waxa uu iyana buuggu ku hubaynayaa aqoon iyo xog aasaasi ah. Dhinaca kalena buuggu waa dawan iyo caroog hurdada ka kicinaya oo baraarujinaya dadka Soomaalida, kuna boorrinaya ama dhiirri galinaya in ay jiifka ka hinqadaan oo dib u soo nooleeyaan dhaqanka iyo aqoonta hiddahooda habaasku fuulay, boodhkana ka jafaan oo ku dhaataan, horena u mariyaan, halkaasna uga sii gudbaan xidhiidhka adduunka kale iyo wixii laga korodhsanayo ama laga soo ammaanaysanayo.”

Guri Waa Haween: Kartida Haweenka Soomaalida

Literature & Fiction

X. Xasan, Maxamed Baashe

World Literature

Garanuug

Hal Ka Haleel: Sooyaalka Hadraawi iyo Suugaantiisa

History & Criticism

Biyo-culusta buuggan daabacaaddiisa labaad waa dhawr 
qodob oo iskaashanaya ama isbuuxinaya oo kala ah: qiimaha 
afka iyo ahmiyaddiisa, heerarkii sooyaalka qoraalka farta 
Soomaaligu soo martay, isirro afka madhxintiisa u taagnaa 
xilligii aanu qornayn, hodantinnimadiisa ka marag kacaya 
oo dhinaca tarminta iyo tayada ereyadiisa qaabbilayey, 
meerisyo gabay oo sidii maahmaahda u dhaqan galay, 
gabay-ku-maahmaahyo beyd ama beydad aynu u 
bixinnay, maanso-ku-sheekaynta suugaaneed, doorarka 
iyo xaaladaha shibbaneyaasha labanlaabma, isrogrogga 
iyo macneyaal kala duwan oo ay sameeyaan ereyada il, 
far, dheg, iyo af, qabyada qoraalka afka Soomaaliga iyo 
raadadka afafka qalaadi ku yeesheen afka Soomaaliga, 
gaar ahaan Carabida, Ingiriisida, Talyaaniga, iyo kuwo 
kale. Ugu dambayntii waxa uu buuggu isweydiinayaa in af 
Soomaaligu badbaadi karo!

Afka Hooyo Waa Hodan (Somali Edition)

Reference

Words, Language & Grammar

Garanuug Limited

See the best price to sell, buy, or rent books by X. Xasan, Maxamed Baashe. BookScouter helps to compare book prices from 25+ online bookstores and 30+ buyback vendors with a single search.

Books by X. Xasan, Maxamed Baashe